هقولكم النهاردة على طريقه كنافه نافه بالفراولة انما ايه قمر ..
مش بس بالمانجه ومش بس فى رمضان ممكن نعمل الكنافه فراوله دلوقتى كمان وفى كل مناسباتنا
عملت كنافه بالفراوله والكريمه الصوص تحفه زى الجاهزه واجمل
طعم روعه بجد وخفيف وملهاش حل مع طبقات الكنافه المتحمره فى السمنه والكريمه والفراوله اللذيذه
طريقه الكنافه بالفراوله /
نجيب نص كيلو كنافه ونجمده فى الفريز واضربه فى الكبه واحط عليه نص كوب سمنه و معلقتين زيت وقلبهم عشان تتشرب الكنافه السمنه ثم احطها حله على نار هاديه مع التقليب المستمر لحد ما تاخد لون دهبى اشيلها تبرد واقلب معاها كوب الا ربع شربات تقيل وفى بوله زجاج كبيره بحط نص كميه الكنافه وعليها طبقه كريم شانتيه مضروب مع قشطه بدون سكر وقطع فراوله ثم باقى الكنافه وعليها باقى الكريم شانيه المضروب مع القشطه وعلى الوش بنحط صوص فراوله ونزينها بقطع فراوله عليها جيل تلميع خفيف واحطها ساعه فى التلاجه قبل التقديم
وصفه سهله وسريعه ورائعه ممكن نعملها فى اى وقت أو مناسبه
الف هناا ..
تعليقات
إرسال تعليق