النهاردة هقولكم على طريقة روعه هتدعولى عليها بس الطريقه طويله شويه ..
يلا بسم الله ..
البرجر البيتى الخطير جدا مع العجينه الرهيبه والجبنه السايحه ..
مقادير العجينه
كيلو دقيق +٢كوب لبن دافى + ١ ونص م ك خميره فوريه +١ ونص م ك سكر + كوب زبادى ١٠٥ جرام + نص كوب زيت + نص م ص ملح + نص م ص بيكينج صودا + م ك خل + ٢ م ك زبده طريه
مقادير البرجر
كيلو لحمه مفرومه + م ك بصل بودر + م ص ثوم بودر + ١٥٠ جرام فول صويا او مج شاى صغير + م ص مليانه ملح +م ص فلفل اسود + ٢ م ك لبن بودر + ٢
م ك نشا
الطريقه
هنخلط اللبن والخميره والسكر ونسيبهم ربع ساعه وبعدين نحط بقيت المكونات ونحط الدقيق شويه شويه ونعجن كتييير بقى ١٠ دقايق كده وبعدين نسيب العجينه تخمر ساعه ونص مثلا وفى الوقت ده هنحضر البرجر هنحط ميه سخنه ع فول الصيا ٥ دقايق بس وبعدين نعصره ونحطه ع اللحمه وكل المكونات التانيه ونخلطهم فى الكبه عشان تنعم خالص وبعدين نكلها ونحطها فى التلاجه شويه وبعدين نشويها فى طاسه سخنه جداا وبعد مالعجينه تخمر اقسمها كور متساويه وافردها واحط جبنه شرايح وبعدين برجر وبعدين جبنه تانى واقفلها كويس واسيبها تخمر ربع ساعه كمان ادهن وشها بيضه بمعلقه خل وسمسم وادخلها فرن سخن على الرف القريب من الارضيه ١٠ دقايق وبعدين الشوايه دقيقتين بس
الف هنا ..
تعليقات
إرسال تعليق