النهاردة هقولكم على وصفة هتوفر علينا كتير اوى
الفايش بتاع الأفران وبيتى وحاجة كده آخر نضافه جربوها هتعجبكم
اولا نص كيلو دقيق ورشه ملح معلقه بيكنج بودر معلقتين سكر ومعلقه ونص خميره فوريه ومعلقه كركم أو محلب المتوفر عندك كله على بعضه وعليهم كوباية الاربع زيت حلو كده وفاتح وتبسى العجين وبعدين تضيقى كوباية لبن شويه بشويه لحدما توصلى للقوام المناسب وتعجنى كويس جدا جداااا وتسبيها تخمر في مكان دافى وبعد التخمير الاولاني تفريدها بالنشابه وتلفيها روول وتحطيها فى صنيه مدهونه زيت وتسبيها تخمر تانى كمان نص ساعه لازم تعلى معاكى وبعدين تدهنى وشها بنص معلقه نسكافيه وشويه لبن ونص معلقه سكر ودى طريقتى في المعجنات وتدخليها فرن حامى خالص على الشبكه ولو احتاجت تحطيها تحت الشوايه لتحمير الوش بتاعها
ملحوظه بقا لازم تسيبي التقطيع بتاع الفايش لتانى يوم لما تبرد خالص وتانى يوم تحمصيها من الجنبين وبكده الوصفة تمت ..
الف هناا
تعليقات
إرسال تعليق